Nepal Drishya

२८ औं एशियन सिटिज तेक्वान्दो च्याम्पियनसिपमा कार्की र ओम खड्काले जिते रजत पदक

Nepal Drishya २७ फागुन, २०८० | 10 Mar, 2024

हङकङमा आयोजित २८औं एशियन सिटिज तेक्वान्दो च्याम्पियनसिपमा नेपालका दुई खेलाडीले रजत पदक जितेका छन् । काउलुन पार्कमा भएको खेलमा नेपालका सुरज कार्की र ओम प्रकाश खड्काले रजत पदक जितेका हुन् । खड्काले ८७ र कार्कीले ७४ केजी केजी तौल समूहमा प्रतिस्पर्धा गरेका थिए ।

विजेताहरूलाई हङकङ तेक्वान्दो एशोसियनका अध्यक्ष चिङ म्यान चुङसहितका पदाधिकारीले पदक वितरण गरेका थिए । कार्की, खड्कासहित बिमल रोकाया, नियोल गुरुङलगायतका खेलाडीले प्रतोयोगितामा प्रतिस्पर्धा गरेका थिए ।
तेक्वान्दो एशोसियन हङकङको निमन्त्रणामा नेपालको तेक्वान्दो टोली हङकङ गएको हो । प्रत्येक वर्ष आयोजना हुने प्रतियोगितामा यस वर्ष आयोजक हङकङसहित नेपाल, मकाउ, भारत, मंगोलिया, कम्बोडिया, सिंगापुरलगायतका देशका खेलाडी सहभागी थिए ।

Published Date: २७ फागुन, २०८० | 10 Mar, 2024

Post Comments