Nepal Drishya

प्रगतिशील युवा नेपालले वैशाख २९ गते बुद्ध जयन्तीको अवसरमा गोर्खा कप गर्ने

Nepal Drishya ४ वैशाख, २०८२ | 17 Apr, 2025

"राष्ट्रका लागि खेल स्वास्थ्यको लागि खेल" भन्ने मूल नाराका साथ प्रगतिशील युवा नेपालले गोर्खा कप गर्ने भएको छ ।

विगतदेखि खेलकुद गतिविधिहरू समाजसेवा जस्ता कार्यहरू गर्दै आएको प्रगतिशील युवा नेपालले आगामी वैशाख २९ गते बुद्ध जयन्तीको अवसरमा राष्ट्रिय पुरुष खुल्ला भलिबल प्रतियोगिता आयोजना गर्न लागेको हो ।

गोर्खामा ठूला खेलकुदको आयोजनाहरू हुन सकिरहेको थिएन । त्यसैलाई मध्यनजर गर्दै प्रगतिशील युवा नेपालले गोर्खाको चिनारीको लागि र खेलाडीहरूको मनोबल उच्च राख्ने उद्देश्यका गोर्खा कपको आयोजना गरेको हो ।

गोर्खा कपको राशिफल प्रथम पुरस्कार ३ लाख द्वितीय १ लाख ५० हजार र तृतीय ७५ हजार रहनेछ । खेल अवधिमा विभिन्न उत्कृष्ट खेलाडीलाई पनि पुरस्कृत गरिने आयोजकले जानकारी दिएको छ । युवा नेपालले राष्ट्रको खेलकुद क्षेत्रमा प्रतिनिधित्व अझ तीव्र राख्ने उद्देश्यका साथ समग्र खेलकुद क्षेत्रमा प्रतिनिधित्व गर्नेगरी आगामी दिनहरूमा सबै खेल क्षेत्रका गोरखा जिल्लाको प्रतिनिधित्व बढाउने गरी सबैले खेलकुद गतिविधि गराउनपर्ने आवश्यक ठानेको छ ।

प्रगतिशील युवा नेपालले सम्पूर्ण खेलप्रेमी खेलाडी,गोरखाबासीलाई गोर्खा कप भव्य,सभ्य र सम्पन्न गर्नको निमित्त गोलबन्द भई आ-आफ्नो ठाउँबाट सबै प्रकारको सहयोगको गर्न अपिल पनि गरेको छ । कप गोर्खाको लागि ऐतिहासिक ठूलो राशिको आयोजना हो ।

Published Date: ४ वैशाख, २०८२ | 17 Apr, 2025

Post Comments